સામખિયાળી રાધનપુર નેશનલ હાઈવે પર મેવાસા પાટિયાથી ધાણીથર પાટિયા વચ્ચે આવેલી ક્રિષ્ના હોટેલના સંચાલક શફીક રહિમ માકુણીજીયાએ ગેરકાયદે રીતે રાપર જૂથ પાણી પુરવઠા યોજનાની નર્મદા પાઈપ લાઈનમાં ૧૫ MMનું ગેરકાયદે જોડાણ મેળવીને ૨.૪૭ લાખના મૂલ્યનું પાણી ચોર્યું હોવાનું લખાવાયું છે. એ જ રીતે, હનુમાન હોટેલના સંચાલક રમેશ બીજલ કોલીએ ૧૫ MMનું ગેરકાયદે જોડાણ મેળવીને ૧.૮૬ લાખના મૂલ્યનું પાણી ચોર્યું હોવાનું જણાવાયું છે. જ્યારે, ધાણીથરના ખેડૂત નીરુભા ગોડજી જાડેજાએ એર વાલ્વને નુકસાન કરી, ખાડામાં તેનું પાણી ભરીને ખેતી કામમાં વાપરીને ૨.૨૩ લાખનું પાણી ચોર્યું હોવાનું લખાવાયું છે.

ત્રણે સામે ૩૦૩ (૨), ૩૨૬, સાર્વજનિક મિલકતોને નુકસાન તથા ગુજરાત ઘર વપરાશ પાણી પુરવઠા (સંરક્ષણ) અધિનિયમની કલમો તળે ફરિયાદ નોંધાવાઈ છે.