ઓમ સામે ૧૮-૦૬-૨૦૨૪ના સુરત શહેર ડીસીબી પોલીસ મથકે કતારગામમાં રહેતા ભાવિક જાટકીયાએ છેતરપિંડીની ફરિયાદ નોંધાવી હતી. ભાવિકે જણાવેલું કે ૨૦૧૪માં તે સુરતમાં ધરમ એક્સપોર્ટ પેઢીમાં એકાઉન્ટન્ટ તરીકે નોકરી કરતો હતો ત્યારે ત્યાં નોકરી કરતાં ઓમ પ્રજાપતિ સાથે ગાઢ મિત્રતા થયેલી.

મિત્રના ભરોસે રહીને ભાવિકે ૦૮-૦૨-૨૦૧૯થી ૨૫-૧૨-૨૦૨૦ દરમિયાન ટૂકડે ટૂકડે ૩૦ લાખ રોકડાં આપેલાં. અન્ય રૂપિયા બેન્ક ખાતાંથી ટ્રાન્સફર કરેલાં અને ઓમને પોતાનું ક્રેડિટ કાર્ડ આપેલું. જેના મારફતે તેણે લાખો રૂપિયા સ્વાઈપ કર્યાં હતાં. ભાવિકે નાણાં પરત માંગવાનું શરૂ કરતાં ઓમ પ્રજાપતિએ વાયદા કરવાનું શરૂ કરેલું. ૮ લાખનો ચેક આપેલો તે રીટર્ન થયેલો. કંટાળીને ભાવિકે ફોજદારી ફરિયાદ નોંધાવી હતી.

વિષ્ણુ અને ગોપાલ આગોતરા જામીન પર મુક્ત છે. કિશન અંડરગ્રાઉન્ડ થઈ ગયો છે. ઓમ પ્રજાપતિએ કરેલી આગોતરા જામીન અરજી હાઈકૉર્ટે ફગાવી દીધા બાદ સુરત પોલીસે તેની ધરપકડ કરી છે.