દરમિયાન, નજીકથી પસાર થઈ રહેલાં એક બાઈકચાલકને અટકાવી તેણે સોડાની દુકાન ક્યાં આવી તે અંગે પૂછપરછ કરેલી. બાઈકચાલકે તેને સોડાની દુકાને લઈ જવાનું કહીને બાઈક પાછળ બેસી જવા કહેલું. તે સમયે એક અન્ય બાઈક પર તેના બે સાગરીતો પણ આવી ગયાં હતાં.

આરોપીઓએ બલભદ્રના મોબાઈલ પરથી તેના પિતરાઈ ભાઈ જયેન્દ્રસિંહને ફોન કરીને વધુ રૂપિયાની માંગણી કરેલી. જયેન્દ્રએ રૂપિયા આપવાનો ઈન્કાર કરી દીધો હતો. બાદમાં આ ત્રિપુટી બલભદ્રને બાઈક પર બેસાડીને દારૂવાલા બ્રિજ પાસે દેવજીબાબા મંદિર નજીક ઉતારીને રફૂચક્કર થઈ ગઈ હતી. બલભદ્ર જેમ તેમ કરીને પિતરાઈ ભાઈના ઘેર પહોંચ્યો હતો અને બાદમાં બેઉ જણે પૂણેના ફરાસખાના પોલીસ સ્ટેશનમાં અજ્ઞાત ત્રિપુટી વિરુધ્ધ અપહરણ, લૂંટ અને ખંડણીની ફરિયાદ નોંધાવી હતી. બલભદ્રએ પોલીસને જણાવ્યું કે તેના પિતા નટવરસિંહ અમદાવાદ પોલીસ દળમાં પોલીસ કર્મચારી તરીકે ફરજ બજાવે છે.