‘દયાળુ’ ફરિયાદીએ તેના ખાતામાં તત્કાળ પાંચસો રૂપિયા ટ્રાન્સફર કરાવ્યાં હતાં. થોડાંક સમય સુધી મીકીએ ફરિયાદીને વોટસએપ પર પોતાના નગ્ન વીડિયોની ક્લિપ મોકલતી રહી હતી.

કહેવાતી મીકીએ એક દિવસ પોતે સ્ત્રી નહીં પરંતુ કિન્નર હોવાનો ઘટસ્ફોટ કરીને લિંગ પરિવર્તનનું ઓપરેશન કરાવવાના નામે રૂપિયા પડાવેલાં. આ રીતે મીકીએ ટૂકડે ટૂકડે દસ લાખ રૂપિયા પડાવી લીધાં હતાં. થોડાંક સમય બાદ મીકી જે નંબર પરથી ફોન કરતી હતી તે નંબર બંધ થઈ ગયેલો. કેટલાંક માસ બાદ અચાનક તે નંબર પરથી ફરિયાદીને દિયાશ્રી દેવનાથ નામની અજાણી સ્ત્રીનો ફોન આવેલો. દિયાશ્રીએ મીઠી મીઠી વાતો કરીને પોતાની ફ્રેન્ડ અદિતિ દાસ ઊર્ફે ગોપાલ દાસ સ્પા અને બ્યુટીપાર્લરનો બિઝનેસ કરતી હોવાનો, તેમાં મોટો નફો થતો હોવાનું કહીને પાર્ટનરશીપમાં રસ હોય તો અદિતિ જોડે વાત કરવા જણાવેલું.

અદિતિએ દુકાનનું રજીસ્ટ્રેશન કરવવાના પેટે દોઢ લાખ રૂપિયા મેળવેલાં. થોડાંક સમય બાદ ૪૭ લાખમાં દુકાન વેચાય તેમ હોવાનું જણાવી તેમાંથી ૬૦ ટકા રકમ ફરિયાદીને આપવાની લાલચ આપીને વેચાણ કરતાં પૂર્વે જીએસટી ભરવો પડશે કહીને અઢી લાખ પડાવેલાં. આ રીતે અદિતિએ ટૂકડે ટૂકડે ૨૨.૩૬ લાખ રૂપિયા પડાવી લીધાં હતા અને પછી ફોન બંધ થઈ ગયો હતો.

તપાસમાં દિયાશ્રી દેવનાથ, સુઝેન, બનીસેન ગુપ્તા એમ ત્રણ બેન્ક ખાતામાં નાણાં જમા થયાં હોવાનું બહાર આવેલું અને ત્રણે ખાતાં બ્લોક કરી દેવાયાં હતાં. ખાતાં બ્લોક થતાં ભડકેલાં આરોપીઓએ અરજી પાછી ખેંચવા ધાક ધમકી કરીને અરજી પરત ખેંચાવી લીધેલી. ત્યારબાદ ફરી બ્લેકમેઈલીંગ શરૂ થતાં યુવકે કંટાળીને નિરોણા પોલીસ મથકે ફરિયાદ નોંધાવી છે.