દેવપરમાં રહેતા ૫૬ વર્ષિય ગુલાબ જાદવજી મકવાણા (દરજી)એ ઘરના આંગણામાં ગાંજાના છોડનું વાવેતર કર્યું હોવાની અને તેના કબજામાં કેટલોક ગાંજો હોવાની હેડ કોન્સ્ટેબલ મદનસિંહ લાલુભા જાડેજાને બાતમી મળી હતી. બાતમીના પગલે પીઆઈ વી.વી. ભોલા સહિતની ટૂકડીએ રાત્રે ગુબાલના ઘરે દરોડો પાડ્યો હતો. ગુલાબે જાંબુ, મીઠો લીમડો, ચીકુના છોડ સાથે ગાંજાના છોડ વાવ્યાં હતાં. SOGએ ૧૭ હજાર ૬૧૦ રૂપિયાના મૂલ્યના ૧૭૬૧ ગ્રામ ગાંજા અને એક મોબાઈલ સાથે આરોપીને ઝડપી પાડી એનડીપીએસ એક્ટની વિવિધ કલમો તળે નખત્રાણા પોલીસ મથકે ફરિયાદ નોંધાવી છે.