પતિ પત્ની બેઉ જણ ટ્રેનની ટક્કરે કચડાઈ ગયાં હતા પરંતુ દીકરી રેલવે ટ્રેકની વચ્ચે આવી ગયેલી. માલગાડીના ડ્રાઈવરે તત્કાળ બ્રેક મારી ટ્રેન થોભાવી હતી. છતાં દીકરી ઉપરથી માલગાડીના ચાર પાંચ વેગન પસાર થઈ ગયાં હતાં.

મરણ જનાર બ્રિજેશ ગામમાં માતાજીના મંદિરે સેવા પૂજા કરતો હતો.

આપઘાતનું કારણ આર્થિક સંકડામણ હોવાનું મનાઈ રહ્યું છે. પોલીસે કાર ચેક કરતાં કારના ડેશબૉર્ડ પરથી દંપતીએ સ્વેચ્છાએ આપઘાત કરતાં હોવાનું લખેલી સ્યુસાઈડ નોટ મળી આવી છે. મૃતકના સ્વજનો આઘાતમાં હોઈ પોલીસે હાલપૂરતું વધુ કોઈ પૂછપરછ કે તપાસ કરવાનું ટાળ્યું છે. આ બનાવે ભારે અરેરાટી સર્જી દીધી છે. મુંદરા મરીન પીએસઆઈ નિર્મલસિંહ જાડેજાએ વધુ તપાસ હાથ ધરી છે.