દીકરીના લગ્ન પ્રસંગે નાણાંની જરૂર ઊભી થતાં તે ખાતામાંથી નાણાં ઉપાડવા ગયાં ત્યારે સાડા ચાર લાખ રૂપિયામાંથી ૪.૪૭ લાખ રૂપિયા તેમની સહીવાળા ચેકથી બારોબાર ઉપડી ગયાં હોવાની જાણ થઈ હતી. પ્રાથમિક તપાસમાં આ છેતરપિંડી પ્યૂન તરીકે ફરજ બજાવતા ભગીરથસિંહ શિવુભા જાડેજા અને તત્કાલિન બ્રાન્ચ મેનેજરે એકમેક સાથે ભેગાં મળી આચરી હોવાનું બહાર આવ્યું હતું. પ્યૂન ભગીરથ ફરિયાદીના ગામ નખત્રાણાના પાનેલીનો જ રહેવાસી છે.

આ અંગે ફરિયાદીએ ભગીરથને વાત કરતાં તેણે પોતાને જરૂર હોઈ તેમના ખાતામાંથી નાણાં ઉપાડ્યા હોવાનું કબૂલી એક વર્ષમાં તમામ રકમ પરત આપી દેવાની ખાતરી આપી હતી. જો કે, ભગીરથે નાણાં પરત આપ્યાં નહોતાં અને ફરિયાદી તથા અન્ય આગેવાનોને વાયદા કર્યાં કરતો હતો.

આ મામલે ફરિયાદીએ દયાપર કૉર્ટમાં પ્રાઈવેટ ફોજદારી ફરિયાદ અરજી દાખલ કરેલી. આ મામલે કૉર્ટે હુકમ કરતાં હવે છેક ૨૦૨૩માં દયાપર પોલીસ મથકે ભગીરથ અને તત્કાલિન બ્રાન્ચ મેનેજર સામે ઈપીકો કલમ ૪૦૨, ૪૦૬, ૪૬૭, ૪૬૮, ૪૭૧ અને ૧૧૪ હેઠળ ફરિયાદ નોંધાઈ છે. આરોપી ભગીરથ માથાભારે, ઝનૂની અને પૈસાપાત્ર હોવાનું ફરિયાદમાં જણાવાયું છે.