રેન્જ આઈજી ચિરાગ કોરડીયા અને એસપી વિકાસ સુંડાએ આવી ઠગ ટોળકી સામે કડક કાર્યવાહી કરવા આપેલી સૂચનાના પગલે લોકલ ક્રાઈમ બ્રાન્ચે આ ઠગ ટોળકી સામે નોંધાયેલાં ગુનાઓની વિગતો એકત્ર કરીને તેમની સામે ગુજરાત કંટ્રોલ ઑફ ટેરરિઝમ એન્ડ ઓર્ગેનાઈઝ્ડ ક્રાઈમ એક્ટ હેઠળ ગુનો નોંધાવ્યો છે.

સિકલા સામે ભુજ એ અને બી ડિવિઝન, માનકૂવા, પોરબંદર, ડાંગ આહવા સહિતના પોલીસ મથકોમાં ૧૦ ગુના નોંધાયેલાં છે. મીઠીયા સામે ભુજ, માંડવી અને માધાપરમાં ત્રણ ગુના, તેના પુત્ર ઝાકીર સામે ત્રણ અને અમીન સામે બે ગુના નોંધાયેલાં છે. કામગીરીમાં પીઆઈ ચુડાસમા સાથે પીએસઆઈ એચ.આર. જેઠી, એએસઆઈ જયેન્દ્રસિંહ જાડેજા, કૃષ્ણદેવસિંહ ગોહિલ, સંજયદાન ગઢવી, હેડ કોન્સ્ટેબલ મહિપાલ પુરોહિત, શક્તિ ગઢવી વગેરે જોડાયાં હતાં.

માંડવી પોલીસ સ્ટેશનમાં હુમલો કરનાર ગઢવીબંધુઓ સામેના ગુનામાં ગુજસીટોકની કલમો ઉમેરાયા બાદ પશ્ચિમ કચ્છમાં ગુજસીટોક હેઠળ આ પહેલો સ્વતંત્ર ગુનો નોંધાયો છે.