આદિત્ય પ્રસાદે તેમની દીકરી રમીલાના સામાજિક રીત રિવાજ મુજબ ૧૯૯૯માં પાટણના સમી તાલુકાના કુંવર ગામે રહેતા દિલીપ ચુનીલાલ રાવલ સાથે લગ્ન કર્યાં હતાં. જમાઈના ત્રાસના લીધે રમીલા ઘણાં સમયથી માવતરે આવીને રહે છે. સોમવારે સાંજે પાંચ વાગ્યે ફરિયાદી આદિત્ય પ્રસાદ ઘર બહાર ખુરશીમાં બેઠાં હતા તે સમયે એકાએક જમાઈ દિલીપ રાવલ બ્લ્યૂ રંગની સ્વિફ્ટ કાર લઈને આવ્યો હતો. 

જમ જેવા જમાઈના હુમલાના કારણે સાસુ સસરાને ફ્રેક્ચર સહિતની ગંભીર ઈજા પહોંચી છે. સામખિયાળી પોલીસે ઘટના અંગે દિલીપ સામે હત્યાના પ્રયાસ સહિતની કલમો તળે ગુનો નોંધ્યો છે. પીઆઈ વી.કે. ગઢવીએ જણાવ્યું કે હુમલા બાદ દિલીપ નાસી ગયો હતો. તેને પકડવા ટીમો રવાના કરાઈ છે.

ભચાઉ તાલુકાના ખોડાસરના સીમાડે ગામના પશુપાલકો સિવાય અન્ય ગામોના પશુપાલકોના પશુઓને ચરાવવા દેવાની કહેવાતા આગેવાનોએ આપેલી મંજૂરીનો વિરોધ કરવો એક પરિવારને ભારે પડ્યો છે. ગામના કહેવાતા આગેવાન એવા આરોપીઓએ આ બાબતની અદાવત રાખીને ગાળાગાળી કરી જાનથી મારી નાખવાની ધમકી આપીને એક વ્યક્તિને બોલેરો જીપની ટક્કર મારી ઘાયલ કર્યો છે. ફરિયાદી રાજેશ ગઢવીએ જણાવ્યું કે સોમવારે રાત્રે દસના અરસામાં તે ગામના અન્ય બે મિત્રો સાથે ગામના ચોકમાં હોળીના નાળિયેર સાથે રમત રમતાં હતા તે સમયે દિલુભાઈ ગઢવીએ ત્યાં કારથી આવી તેમની જોડે માથાકૂટ કરેલી.

રસ્તામાં રાજેશના મોટા બાપા લખમણભાઈ ગઢવી આવતા હતા તો હેમુ અને રામે તેમને અડફેટે લઈ નીચે પાડી દીધા હતાં. ટક્કરના લીધે લખમણભાઈને જમણા હાથે ત્રણેક જગ્યાએ ફ્રેક્ચર થયાં છે. લાકડીયા પોલીસે ફરિયાદ નોંધી તપાસ હાથ ધરી છે.