પરંતુ, બ્લેકમેઈલીંગ પર ઉતરી આવે તે જરાય સાંખી ના લેવાય.

ટીવી ચેનલમાં ભલે આખા વરસના બે ચાર સમાચાર પ્રસારિત થાય પરંતુ આ ‘સોફિસ્ટીકેટેડ તોડિયા’ ચોવીસે કલાક તેમના વોટસએપ ન્યૂઝ ગૃપ કે ટ્વિટર પર આખી દુનિયાના ન્યૂઝની કન્ટેન્ટને  કોપી પેસ્ટ કરીને જાણે પોતે જ રીપોર્ટીંગ કરવા ગયાં હોય કે ફર્સ્ટ હેન્ડ ન્યૂઝ તેમને જ મળ્યાં હોય તેવો મેમ્બર્સ યા ફૉલોઅર્સમાં ભ્રમ સર્જે છે!

આ ગેંગ ઉચ્ચ અધિકારીઓના નામે જાંસો આપીને, અધિકારીઓ સાથેની સેલ્ફી કે ફોટો વિક્ટીમને બતાવી યા ટ્વિટર પર નેતાએ કરેલી કોમેન્ટના સ્ક્રિનશોટ બતાડીને ભુજ-ગાંધીધામના સ્પાવાળા, આરટીઓ, ખાણ ખનિજના અધિકારીઓ ધંધાદારીઓને આંજવાના હવાતિયાં મારી તોડ કે માસિક હપ્તા ગોઠવે છે. આ ગેંગ અધિકારીઓ સાથેના સંબંધોની દુહાઈ દઈ સેટીંગ કરી આપવા સુધીની ઑફર સુધ્ધાં કરે છે.

કસ્ટમ અને ડિફેન્સના અધિકારીઓ સાથે સંબંધો કેળવીને આ ગેંગ ભુજ ગાંધીધામમાં મળતિયાઓ મારફતે વિદેશી શરાબની બાટલીઓનું વેચાણ કરતી હોવાનો સૂત્રોનો દાવો છે. 

થોડાંક સમય અગાઉ આ ગેંગ દેશના અન્ય રાજ્યની સંવેદનશીલ સરહદે પહોંચેલી અને એનઆઈએ ઝડપેલાં એક આતંકીના મોબાઈલમાંથી મળેલી તસવીરના આધારે તપાસનો રેલો કચ્છ સુધી આવ્યો હતો. આ તપાસ હજુ ચાલું છે.

પોલીસ આવા તોડિયાઓની ચાકી ટાઈટ કરે તે જરૂરી છે. રાજ્યના પોલીસ વડાએ આવા આરટીઆઈ એક્ટિવીસ્ટ કમ તોડબાજ પત્રકારો સામે એક્શન લેવા આદેશ કર્યો છે ત્યારે પશ્ચિમ કચ્છના એસપી આવા સોફિસ્ટીકેટેડ તોડબાજો સામે સકંજો કસે છે કે કેમ તે જોવું રહ્યું.