લખપત તાલુકા ભાજપના એક મહત્વના પદાધિકારી ગણાતા યુવા નેતાની નગ્ન યુવતી સાથે ફોન સેક્સની ૧ મિનિટ ૨૦ સેકન્ડની વીડિયો ક્લિપ છેલ્લાં દસેક દિવસથી વોટસએપ પર ફરી રહી છે. એ જ રીતે, માંડવી શહેર ભાજપના એક યુવા નેતાએ કોઈ મહિલા ફ્રેન્ડ સાથેની ચેટમાં પોતાના ખાસ અંગની પોસ્ટ કરેલી તસવીર અને તે સાથે ઉત્તેજક અશ્લીલ ચેટ પણ ખાસ્સી એવી વાયરલ થઈ રહી છે.

આ વીડિયો ક્લિપ અને અશ્લીલ ફોટો તથા ચેટના સ્ક્રીનશોટ અસલી કે સાચાં જ છે તેવી કોઈ પુષ્ટિ કચ્છખબર નથી કરતું. તેથી જ અત્રે આ યુવા નેતાઓનો નામોલ્લેખ કર્યો નથી. સૌ કોઈ મોઢું સીવીને બેઠું છે. ભૂતકાળમાં ખારેક કાંડના છાંટા ભાજપના અગ્રણી નેતાઓ પર ઉડ્યાં હતા તેમાંથી ધડો લઈને પાર્ટી આ મામલે ડેમેજ કંટ્રોલ કરવા શું કરે છે તેના પર પાર્ટીના જ લોકોની મીટ મંડાયેલી છે.