યુવક જોડે ગુનો આચરનાર કહેવાતા પત્રકાર મુસ્તાક અલ્લારખિયાએ યુવકને સમાધાન કરવાના બહાને પાવાપુરી ચાર રસ્તા પાસે સહારા ફાયનાન્સ નામની નાણાં ધીરધારની પેઢી ચલાવતા મોહમ્મદ શકીલ યાકુબ ધુઈયા (રહે. બારોઈ, મુંદરા)ની ઑફિસે બોલાવેલો. અહીં અગાઉથી મુસ્તાક, શકીલ, મોહમ્મદ રફીક હાજી ખોજા અને હિમાંશુ મકવાણા નામના ચાર આરોપીઓ હાજર હતા.

આરોપીઓની ઑફિસમાંથી જમીન વેચાણ, પાવરનામા, લોકોને નાણાં ઉછીના આપ્યાં હોવાના લખાણના દસ્તાવેજો, વિલ વસિયતનામા, સોગંદનામા, સાટા કરાર, મરણના દાખલા, જમીન તથા રૂપિયા સોંપ્યાની પહોંચો, ધ્રબ ગામનું તગાવી રોજમેળ, સચિન ટોપણ નામના વ્યક્તિની કાળા કલરની ફાઈલ જેમાં સ્યુસાઈડ નોટ અને જુદાં જુદાં દસ્તાવેજો છે, મિલકત કબજો સોંપ્યા અંગેના લખાણ સહિતના ઢગલાબંધ દસ્તાવેજો મળી આવ્યાં છે. આ ટોળકીએ મિલકત સંબંધી અન્ય ગુનાઓ આચર્યાં હોવાની પોલીસને આશંકા છે. પોલીસે બનાવ અંગે ઝીણવટભરી તપાસ હાથ ધરી છે.