દુર્ઘટનામાં બાઈકના ફૂરચેફૂરચાં ઊડી ગયાં હતા અને સિધિક ગંભીર રીતે ઘવાયો હતો. ગંભીર હાલતમાં તેને જી.કે. જનરલ હોસ્પિટલમાં ખસેડાયો હતો પરંતુ થોડીક મિનિટોમાં તેણે દમ તોડી દીધો હતો. 

કારમાં સવાર અબ્દુલ્લા ગફૂર મમણ, સુમામ રમજુ મોખા, હમજા અબ્દ્રેમાન મમણ અને અભુભખર અબ્દ્રેમાન મમણને ઈજાઓ થતાં તેમને સારવાર માટે ભુજ જી.કે. જનરલ હોસ્પિટલે ખસેડાયાં હતાં. ૧૬થી ૨૦ વર્ષની આયુના ચારે મિત્રો ભુજથી માંડવી તરફ જતાં હતાં. દુર્ઘટના અંગે માનકૂવા પોલીસે તપાસ હાથ ધરી છે. દરમિયાન, સુખપર ગામ નજીક રીલાયન્સ પેટ્રોલ પંપ પાસે પાર્ક થયેલાં ટેમ્પોની એંગલ સાથે સમીર ઓસમાણ નોતિયાર નામના બાવીસ વર્ષના યુવકે ગત રાત્રે ગમે ત્યારે ગળેફાંસો ખાઈ આપઘાત કરી લીધો હોવાનો બનાવ માનકૂવા પોલીસના ચોપડે નોંધાયો છે. મરણ જનાર સમીર સુખપર જૂના વાસ ગામમાં રહેતો હતો.