પૈસા ભરેલું પાકિટ લારીના ગલ્લામાં રાખ્યું હતું. રાત્રે આઠ વાગ્યાના અરસામાં એક છકડો આવીને લારી પાસે ઊભો હતો. છકડા ડ્રાઈવરે તેની પાસે આવીને મલાઈવાળું નાળિયેર માંગ્યું હતું પરંતુ કિશને મલાઈવાળા નાળિયેર ના હોવાનું જણાવતાં પોતે માધાપરનો દિનેશ મહેશ્વરી હોવાનું કહી ‘તું મને ઓળખતો નથી’ કહી બબાલ શરૂ કરેલી.

દિનેશે તેના સાગરીતને ગલ્લામાં પડેલા રૂપિયા કાઢી લેવા જણાવતાં ધીરજે ગલ્લામાં પડેલું રૂપિયા ભરેલું પાકિટ અને આખા દિવસના વકરાના પાંચ હજાર રૂપિયા મળી ૩૦ હજાર રોકડાં રૂપિયા લઈ લીધાં હતાં. પાકિટમાં ફરિયાદીનું આધાર અને પાન કાર્ડ પણ હતાં.

ભુજ બી ડિવિઝન પોલીસે રૉબરી વીથ અસૉલ્ટ સહિતની કલમો તળે ગુનો નોંધી તપાસ હાથ ધરી છે. સૂત્રોમાંથી મળતી માહિતી મુજબ લોકલ ક્રાઈમ બ્રાન્ચે દિનેશ મહેશ્વરીને ઉપાડી લીધો છે.