ઑલ ઈન્ડિયા મુસ્લિમ પર્સનલ લૉ બૉર્ડના આદેશના પગલે કચ્છના સુન્ની ઉલેમા ફાઉન્ડેશને આજે નમાઝ પઢવા આવનાર મુસ્લિમ બિરાદરોને બાવડા પર કાળી પટ્ટી ધારણ કરી શાંતિપૂર્ણ રીતે સૂચિત વક્ફ એક્ટનો વિરોધ કરવા આહવાન કરાયું હતું.

ઉલ્લેખનીય છે કે હાલ દેશમાં સર્વત્ર કોમી વિખવાદ અને કૌમી વૈમનસ્યનું ઝેર ફેલાવાઈ રહ્યું છે. શિક્ષણ, બેરોજગારી, કમ્મરતોડ મોંઘવારી, વિવિધ સ્વાયત્ત બંધારણીય સંસ્થાઓના ધીમે ધીમે થઈ રહેલાં પતન સહિતના પાયાના સળગતાં મુદ્દાઓના બદલે ત્રણસો વર્ષ અગાઉ દફન થઈ ગયેલાં મોગલ શાસક ઔરંગઝેબની કબર તોડીને બદલો લેવા હાકલા પડકારા થઈ રહ્યાં છે!