૩૦ વર્ષનો મોહન ૧૬ વર્ષ ૧૧ માસની કિશોરીનું શેરડી ગામથી અપહરણ કરીને લઈ ગયેલો. મોહને કિશોરીને નખત્રાણાના કોટડા (જ), ભુજ, મેઘપર, ઝુરા જતવાંઢ, ઝકરીયા, જામનગર સહિત વિવિધ મિત્રોની વાડીએ રાખી હતી અને અસંખ્યવાર દુષ્કર્મ આચર્યું હતું.

આ કેસમાં ફરિયાદ પક્ષે રજૂ થયેલાં ૩૧ દસ્તાવેજી પૂરાવા અને ૯ સાક્ષીઓની જુબાની તપાસીને આજે પોક્સો કૉર્ટના વિશેષ જજ વિરાટ બુધ્ધે મોહનને ઈપીકો કલમ ૩૭૬ (૨) (એન) અને પોક્સો એક્ટની કલમ ૬ હેઠળ અંતિમ શ્વાસ સુધી સખ્ત કેદની સજા સાથે ત્રણ ત્રણ લાખનો દંડ ફટકાર્યો છે.

દંડની રકમમાંથી ચાર લાખ રૂપિયા ગુનાનો ભોગ બનનારને વળતર પેટે ચૂકવવા હુકમ કર્યો છે. આ કેસમાં ફરિયાદ પક્ષે સરકારી વકીલ એચ.બી. જાડેજાએ હાજર રહીને દલીલો કરી હતી. ગુનાની તપાસ તત્કાલિન પીએસઆઈ વી.એચ. ઝાલાએ કરી હતી.