બીજા દિવસે સવારે તેનો મૃતદેહ મળ્યો હતો. મૃત્યુ પૂર્વે પિતા સહિતના સ્વજનો અને અન્ય લોકો પર પોતાને માનસિક રોગી ગણી શારીરિક, માનસિક અને સામાજિક રીતે ખૂબ હેરાન કરાયો હોવાનું ૫૫ પાનાંમાં સ્યુસાઈડ નોટ જેવું ટાઈપ કરેલું લાંબુલચક લખાણ સોશિયલ મીડિયા પર પોસ્ટ કર્યું હતું.

અંશુલ ડેમસાઈટ પર પહોંચ્યો તે રૂટને ટ્રેક કરીને પોલીસે અનેક સીસીટીવી ફૂટેજ જોયાં છે પરંતુ તમામ ફૂટેજમાં તે એકલો જ એક્ટિવા પર જતો હોવાનું જણાય છે. સાંયોગિક પૂરાવાઓને અનુલક્ષીને નિષ્ણાતો આ મર્ડર નહીં પરંતુ સ્યુસાઈડ હોવાનું દ્રઢપણે માની રહ્યાં છે. આત્મહત્યાના અન્ય ઘણાં કેસમાં હતભાગીના શરીર પર મલ્ટિપલ ઈન્જરીના નિશાન જોવા મળેલાં છે. જો કે, પોલીસ આ મુદ્દે હજુ સુધી કોઈ અંતિમ નિષ્કર્ષ પર પહોંચી નથી.