૧૫-૦૩-૨૦૨૩ના રોજ સવજીભાઈનું નિધન થયું હતું. વ્યવસાયે બિલ્ડર એવા ધીરજે ફરિયાદમાં જણાવ્યું કે ૯-૦૧-૨૦૨૫ના રોજ તેમની વરસામેડીની જમીનના હક્કપત્રમાં નવી નોંધ પડેલી.

જેમાં તેમના પિતાનો ખોટો ફોટો અને ખોટી સહી કરેલી હતી. એટલું જ નહીં, તેની સાથે તૈયાર કરાયેલું બોગસ પેઢીનામું રજૂ કરાયું હતું જેમાં પંચો તરીકે મનીષ કરસનદાસ પારેખ, રાજેશ શશિકાંત કાંબલે અને કેવલ પ્રકાશ દેશમુખ (ત્રણે રહે. મુંબઈ)એ સહીઓ કરેલી.

આ નોંધની વિગતો મેળવતાં બહાર આવ્યું હતું કે તેમના પિતાએ મરતાં પૂર્વે ૭-૦૭-૨૦૨૨ના રોજ ગ્રેટર મુંબઈના આર.એ. સલાટ નામના નોટરી પાસે એક વસિયતનામું (વિલ) બનાવડાવ્યું હતું. જેમાં તેમણે આ જમીનો પોતાના મૃત્યુ બાદ અરવિંદભાઈ અમરાભાઈ પરમારના નામે કરવા વસિયત કરી હતી. અરવિંદ પોતાની જમીન ખેડે છે, વાવે છે અને પત્નીની સારસંભાળ રાખે છે, તેના પ્રત્યે લાગણી છે તેથી મરણ બાદ આ જમીન હું તેને આપું છું તેવું લખાણ લખેલું હતું. મરણની નોંધના આધારે મુંબઈના નોટરી એસ. સૈયદ અમાનોલ્લાએ ખરાઈ કરી પ્રમાણિત કરી આપ્યું હતું.

હકીકતે તેમની જમીનની દેખભાળ કોઈ અન્ય શખ્સ રાખતો હતો. અંજાર પોલીસે બોગસ પેઢીનામામાં પંચો તરીકે સહી કરનાર ત્રણ શખ્સો તથા અરવિંદ પરમાર, એન.ડી. કાપડી અને હરજી અરજણ નામના શખ્સો સામે ગુનો દાખલ કરી તપાસ હાથ ધરી છે.