અંજારના પોલીસ ઈન્સ્પેક્ટર એ.આર. ગોહિલે જણાવ્યું કે અમે ગુનામાં હત્યાની કલમનો ઉમેરો કરવા સાથે ગુનાકામે આરોપીનો કબજો મેળવવા તજવીજ હાથ ધરી છે.

આરોપી દારૂ પીધેલી હાલતમાં હોઈ પોલીસે શરૂમાં તેની સામે દારૂ પીવા સબબ ગુનો નોંધી અટક કરેલી. બાદમાં બીજા દિવસે રાત્રે આરોપીના નાના ભાઈની પત્નીએ ક્રૂરતાપૂર્વક હુમલા સાથે દુષ્કર્મ ગુજારવા સબબ ફરિયાદ નોંધાવી હતી. આ ઘટનાએ સમગ્ર દેશમાં ભારે ચકચાર સર્જી છે.

સગી જનેતાને હવસનો શિકાર બનાવનાર પુત્ર સામે સમાજમાં સર્વત્ર ફિટકાર વરસી રહ્યો છે. લોકલાગણીનો પડઘો પડતો હોય તેમ અંજાર બાર એસોસિએશન સાથે જોડાયેલાં ધારાશાસ્ત્રીઓએ પણ આ જઘન્ય અપરાધના આરોપી પુત્રનો કેસ નહીં લડવા સંકલ્પ કર્યો છે. બાર એસોસિએશનના પ્રમુખ હેતલકુમાર સોનપારે કચ્છખબરને જણાવ્યું કે અમે સૌ વકીલ મિત્રોએ સ્વેચ્છાએ આ સંકલ્પ લીધો છે.