તે સમયે અમન શાંતિલાલ આહીર, પરેશ પ્રાણજીવન જોશી, મોમાય પાંચાભાઈ આહીર, સૂરજ મનોજભાઈ સોની, સાવન મનોજભાઈ સોની અને કાયદાના સંઘર્ષમાં આવેલા કિશોરે તેમને અટકાવીને બેઝબોલના ધોકા તથા છરીથી હુમલો કર્યો હતો. સોહિલને બાઈક ચલાવવા મુદ્દે અગાઉ સાવન અને સૂરજ જોડે બબાલ થયેલી. તે અંગે સમાધાન થઈ ગયેલું. છતાં તેની અદાવત રાખીને આરોપીઓએ આ હુમલો કરી ફારુકની હત્યા નીપજાવી અન્ય બે મિત્રોને માર માર્યો હોવાનું ફરિયાદમાં લખાવાયું હતું.

અધિક સેશન્સ જજ કમલેશ કે. શુક્લએ ચુકાદામાં નોંધ્યું કે બનાવ અચાનક બન્યો હતો અને અમનનો ઈરાદો ફારુકની હત્યાનો હોવાનું રેકર્ડ પરથી પૂરવાર થતું નથી. પરંતુ, અમન સામે સદોષ માનવવધનો ગુનો પૂરવાર થાય છે. કૉર્ટે અમનને ઈપીકો ૩૦૪ (૨) હેઠળ ૮ વર્ષની સાદી કેદ સાથે ૧૫ હજાર રૂપિયા દંડ તથા ગુજરાત પોલીસ એક્ટની કલમ ૧૩૫ (હથિયારબંધીના જાહેરનામાનો ભંગ) હેઠળ બે માસની સાદી કેદ તથા પાંચ હજાર રૂપિયાનો દંડ ફટકાર્યો છે.