રાજ્યના ઈતિહાસમાં પહેલીવાર સગાં ભાઈ બહેનોની ત્રિપુટીને ગેરકાયદે વ્યાજે નાણાં ધીરધાર અને પઠાણી ઉઘરાણીની પ્રવૃત્તિ બદલ ગુજસીટોકમાં ધકેલાઈ હતી. થોડાંક માસ ત્રણે વારાફરતી જામીન પર બહાર આવી ગયાં હતાં.

જિલ્લા મેજિસ્ટ્રેટની મંજૂરી મળતાં જ આજે એલસીબી અને અંજાર પોલીસે સંયુક્ત કામગીરી હાથ ધરીને ત્રણેની અટકાયત કરી લીધી છે. બંને બહેનોને અમદાવાદ મધ્યસ્થ જેલ અને ભાઈને રાજકોટ જેલ ધકેલી દેવાયાં છે. ઉલ્લેખનીય છે કે આરોપીઓ સામે અગાઉ વ્યાજખોરી બદલ બે લોકોની આત્મહત્યાના જુદાં જુદાં બે ગુના પણ દાખલ થયેલાં છે. અંજારના પીઆઈ એ.આર. ગોહિલ અને એલસીબી પીઆઈ એન.એન. ચુડાસમા તથા સ્ટાફે સંયુક્ત ઓપરેશન હાથ ધરી ત્રણેની અટક કરી હતી.