સૂત્રોમાંથી પ્રાપ્ત માહિતી મુજબ પોલીસ સ્ટેશનના મુદ્દામાલ રૂમમાંથી ચોરી કરવાના પ્રકરણમાં અગાઉ આ જ પોલીસ મથકમાં ફરજ બજાવતાં એક ખાખીધારી સહિત બે જણની સંડોવણી પાધરી થઈ છે. બેઉને આઈડેન્ટીફાય કરીને ઉપાડી લેવાયાં બાદ ગત મોડી રાત્રે પોલીસે ફરિયાદ નોંધી છે.

તસ્કરો પોલીસ સ્ટેશન પાછળ આવેલા મુદ્દામાલ રૂમનું તાળું તોડ્યા વગર નકુચો વાળીને રૂમ ખોલી ભારેખમ સામાન ચોરી ગયાં હતાં. જાણભેદુની મદદ વગર પોલીસ સ્ટેશનના મુદ્દામાલ રૂમમાં હાથ મારવાની હિંમત કોણ કરી શકે તે એંગલ પર તપાસ હાથ ધરાઈ હતી. જો કે, પોલીસે હજુ ગુનાશોધન અંગે વિધિવત્ જાહેરાત કરી નથી. આગામી એક બે દિવસમાં આ મામલે પોલીસ ફોડ પાડે તેવી શક્યતા છે.