|
કચ્છખબરડૉટકોમ, ભુજઃ દેવોના દેવ મહાદેવની આરાધનાના પર્વ મહાશિવરાત્રિ નિમિત્તે વહેલી સવારથી જ કચ્છભરમાં હર હર મહાદેવનો ગગનભેદી નાદ ગાજી ઉઠ્યો છે. સૂરજબારીથી લઈ છેવાડાના લખપત સુધીના તમામ શિવાલયોમાં વહેલી પરોઢથી ભોલનાથની મહાઆરતી-મહાપૂજાનો પ્રારંભ થઈ ગયો હતો. ભક્તો પણ વહેલાં ઉઠી ભોળા શંભુના દર્શન માટે મંદિરોમાં ઉમટી પડ્યા છે. શિવરાત્રિ નિમિત્તે લઘુ રૂદ્રી, ચાર પ્રહરની પૂજા, રુદ્રાભિષેક, મહાઆરતી સહિતના વિવિધ ધાર્મિક કાર્યક્રમોના આયોજન થયાં છે. તો, વિવિધ શહેરોમાં નીકળેલી પરંપરાગત શોભાયાત્રાએ સ્થાનિક રહીશોમાં અનેરું આકર્ષણ સર્જ્યું હતું. અત્રે ભુજમાં નીકળેલી શોભાયાત્રાની તસવીરોમાં શિવરાત્રિની ઉજવણીનો ઉલ્લાસ ઝીલાયો છે.
Share it on
|
Latest
56701 views
