કચ્છખબરડૉટકોમ, રાપરઃ પૂર્વ કચ્છના આડેસર નજીક સ્ટેટ વિજીલન્સની ટૂકડીએ દરોડો પાડી અંદાજે 11 લાખનો શરાબ ભરેલાં ડમ્પર સાથે ત્રણ આરોપીની ધરપકડ કરી છે. આજે સાંજે વિજીલન્સની ટૂકડીએ મોમાયમોરા નજીક રણવિસ્તારમાંથી પસાર થઈ રહેલાં ડમ્પરને ઝડપી પાડ્યું હતું. પોલીસે ડમ્પરમાં સવાર બે રાજસ્થાની અને એક બનાસકાંઠાના ભાભરના શખ્સની ધરપકડ કરી છે. ડમ્પરમાંથી અંદાજે 11 લાખની કિંમતનો અઢીસો પેટી શરાબ ઝડપાયો હોવાનું સૂત્રોએ જણાવ્યું છે. બનાવ અંગે આડેસર પોલીસ મથકે સત્તાવાર ફોજદારી ફરિયાદ નોંધાવવાની તજવીજ ચાલી રહી હોવાનું સૂત્રોએ જણાવ્યું છે. સ્ટેટ મોનિટરીંગ સેલના સફળ દરોડાથી સ્થાનિક પોલીસ તંત્રમાં વધુ એકવાર ચકચાર મચી ગઈ છે.
Share it on
|