ગોલ્‍ડન અને સીલ્‍વર નંબરો, બેઝ એમાઉન્‍ટ, રજીસ્‍ટ્રેશન ટેક્ષ, સી.એન.એ. ફોર્મ વગેરેને મુળભૂત રીતે યથાવત રાખી વાહન ૪.૦ માં ઉપલબ્‍ધ નાગરિક કેન્‍દ્રી સુવિધાને ધ્યાને રાખી આ નિર્ણય લેવાયો છે. ઓનલાઇન ઑક્શનમાં ડાયનામિક ઑક્શન પ્રોસેસ હશે. એટલે કે, અરજદારને વેબસાઇટ પર ઓફર પ્રાઇસ હરાજીની પ્રક્રિયા દરમ્‍યાન વખતોવખત હરાજીની રકમમાં ઉમેરો કરવાનો રહેશે. આ ઉમેરો રૂ.૧૦૦૦/- ના ગુણાંકમાં વધારવાનો રહેશે. હાલની વન ટાઇમ બીડીંગ પ્રોસેસ જેમ એક જ વખત બીડ પ્રોસેસ કરી શકશે નહીં. ઈ-ઑકશનની પ્રક્રિયા ઓનલાઇન અરજી કરવાનો સમયગાળો ૨૧/૧૧/૨૦૧૭ થી ૨૭/૧૧/૨૦૧૭ સુધી અને ઈ-ઑકશનના બિડિંગનો સમયગાળો ૨૮/૧૧/૨૦૧૭ થી ૧/૧૨/૨૦૧૭ના બપોરના ૨ વાગ્‍યા સુધી હશે. ઈ-ઑકશનનું પરિણામ ૧/૧૨/૨૦૧૭ના બપોરે ૨ વાગ્‍યા પછીનો સમયગાળો રહેશે. ઓનલાઇન ઑકશનમાં ભાગ લેનાર અરજદારે http://parivahan.gov.in/parivahan/ પર નોંધણી કરી, યુઝર આઈ.ડી., પાસવર્ડ મેળવવાના રહેશે તેમજ આ વેબસાઇટ પર લોગ ઈન કરી વાહન ખરીદીના સાત દિવસની અંદર ઓનલાઇન સી.એન.એ. ફોર્મ ભરવાનું રહેશે. હરાજીની પ્રક્રિયામાં ભાગ લેવો, ચૂકવણું કરવું અને વાહન નંબર મેળવવો વગેરેની વિગતવાર સૂચના Appendix-A ઉપર આપેલ છે. આ સૂચના કચેરીના નોટીસ બોર્ડ અને રજીસ્‍ટ્રેશન શાખામાં રૂબરૂ પણ જોવા મળશે. અરજદારે હરાજીની પ્રક્રિયા પૂર્ણ થયાના પાંચ દિવસમાં નાણાં જમા કરાવવાના રહેશે. અરજદાર જો સમયમર્યાદામાં નાણાં ચૂકવવામાં નિષ્‍ફળ જાય તો મૂળ ભરેલી રકમને જપ્‍ત કરી ફરીવાર હરાજી કરવામાં આવશે. ઓનલાઇન ઑકશન દરમ્‍યાન અરજદારે RBI દ્વારા નકકી કરેલ દરે ચાર્જ ચૂકવવાના રહેશે. હરાજીની પ્રક્રિયામાં સફળ થયેલા અરજદારને સફળ ગણી બાકીના નાણાં પાંચ દિવસમાં ભરપાઇ કરવા માટે SMS કે EMAIL થી જણાવવામાં આવશે. હાલની મેન્‍યુઅલ પધ્‍ધતિ પ્રમાણે નાણાં પરત કરવાના રહેશે. એટલે કે, Net Banking, Credit Card/Debit Card થી ચુકવણું કર્યુ હોય તે જ Mode થી નાણાં અરજદારના તે જ ખાતામાં SBI e-pay દ્વારા પરત કરવામાં આવશે તેમ પ્રાદેશિક વાહન વ્‍યવહાર અધિકારી, ભુજ દ્વારા જણાવાયું છે.