કચ્છખબરડૉટકોમ, નખત્રાણા :નખત્રાણાના ભારાપર (વિરાણી) સીમમાં જાહેરમાં ધાણી પાસાનો જુગાર રમતાં ચાર ખેલીને નખત્રાણા પોલીસે પકડી પાડ્યા છે. જો કે, બે જણાં પોલીસને થાપ આપી નાસી છૂટ્યાં હતા. નખત્રાણા પોલીસ મથકેથી પ્રાપ્ત વિગતો અનુસાર ગત સાંજે પોણા સાત વાગ્યાના અરસામાં પોલીસે અહીં દરોડો પાડ્યો હતો. જેમાં જેઠુભા જોરાવરસિંહ જાડેજા (નાની અરલ), જગુભા રાણુભા જાડેજા (નાની અરલ), નારણ ઊર્ફે ફકુ સાકરીયા બડીયા (મોટી વિરાણી) અને ચંદુ નારણ બડીયા (મોટી વિરાણી)ને પોલીસે રંગેહાથ ઝડપી પાડ્યા હતા. જ્યારે, લાલજી કરણાજી સોઢા (મોટી વિરાણી) અને કૃપાલસિંહ ઊર્ફે ટપુભા કરસનજી સોઢા (નાની અરલ) પોલીસને થાપ આપી નાસી છૂટ્યાં હતા. ચાર આરોપીઓ પાસેથી પોલીસે 5170 રૂપિયાની રોકડ રકમ, પટમાં રહેલા 2650 રૂપિયા, 3 મોબાઈલ ફોન અને 35 હજારની કિંમતની બે મોટર સાયકલ મળી કુલ 44 હજાર 820 રૂપિયાનો મુદ્દામાલ કબ્જે કર્યો છે.
Share it on
|