|
વિધાનસભાની ચૂંટણી સંદર્ભે આજે નખત્રાણામાં સ્થાનિક પોલીસ અને અર્ધલશ્કરી દળોના જવાનોએ સંયુક્ત ફ્લેગ માર્ચ યોજી હતી. કાયદો અને વ્યવસ્થાની જાળવણી સંદર્ભે પોલીસ તંત્રની કટિબધ્ધતા દર્શાવવાના ઈરાદે ફ્લેગ માર્ચ યોજાઈ હતી. આ ફ્લેગ માર્ચ નખત્રાણાના મુખ્ય વિસ્તારોમાં ઘુમી હતી. જવાનોના કાફલાને જોઈ નગરજનોમાં કૂતુહલ ફેલાયું હતું. ઉલ્લેખનીય છે કે, ચૂંટણી સંદર્ભે કાયદો અને વ્યવસ્થાની પરિસ્થિતિ જાળવવા પોલીસ તંત્ર દ્વારા હિસ્ટ્રીશીટર-ગુનાઈત તત્વોને 'અંદર' કરવામાં આવી રહ્યાં છે. પરવાનેદાર હથિયારધારકોના હથિયારો પરત લેવાઈ રહ્યાં છે. પોલીસની આ કામગીરી હજુ પણ કડકાઈથી જારી રહેશે.
Share it on
|
Latest
31953 views
