છેલ્લાં બે માસથી દીકરી માસિક ધર્મમાં બેસી ના હોઈ તેના પિતા આજે તેને નખત્રાણાની સરકારી હોસ્પિટલે લઈ ગયાં હતા. જો કે, પરિસ્થિતિ પામી ગયેલાં તબીબોએ તેમને ભુજ જી.કે. જનરલ હોસ્પિટલે સઘન ચેકઅપ માટે મોકલ્યાં હતા. જી.કે.માં તબીબી તપાસના અંતે આ કન્યા ગર્ભવતી હોવાનું સ્પષ્ટ થતાં જ સૌના પગ તળેથી જમીન ખસી ગઈ હતી. હતપ્રભ બની ગયેલી દીકરી પોતાની સાથે કોણે દુષ્કર્મ આચર્યું છે તે અંગે કશું બોલી શકતી નથી. ઘટના અંગે જી.કે. જનરલ હોસ્પિટલની પોલીસ ચોકીએ નોંધ પાડી નખત્રાણા પોલીસને જાણ કરી છે.