કચ્છખબરડૉટકોમ, ગાંધીધામઃ જો કંડલા બંદર કે ઈફકો જેવાં મહત્વના વાઈટલ ઈન્સ્ટોલેશન પર કેમીકલ, બાયોલોજીકલ, રેડિયોલોજીકલ કે ન્યૂક્લિયર દુર્ઘટના કે હુમલો થાય તો કેવી રીતે પરિસ્થિતિ પર કાબૂ મેળવવો જોઈએ તે અંગે નેશનલ ડિઝાસ્ટર રીસ્પોન્સ ફૉર્સ-એનડીઆરએફ ગાંધીનગરની બટાલિયન દ્વારા ઈફકો પ્લાન્ટ ખાતે મૉક એક્સરસાઈઝ યોજવામાં આવી હતી. એનડીઆરએફની છ ટીમે એમોનિયા લીકેજ દ્વારા બાયો-કેમિકલ વૉરફેરની એક્સરસાઈઝ કરી હતી. આ મૉક ડ્રીલમાં સીઆઈએસએફ, ફાયર સર્વિસ, પોર્ટ અને મરીન પોલીસ પણ જોડાઈ હતી.