બીજી તરફ, વાલી મંડળ વતી લોકોને બંધમાં સ્વૈચ્છિક રીતે જોડાઈ સહકાર આપવા અપીલ કરનાર ઘનશ્યામસિંહ ભાટીએ દાવો કર્યો હતો કે અમારી અપીલને અનુસરીને અનેક વાલીઓએ તેમના સંતાનોને શાળાએ નહોતા મોકલ્યાં. બંધના એલાન સંદર્ભે ગઈકાલે વિવિધ શાળાઓમાં શિક્ષણ કાર્ય અંગે સામાન્ય અસમંજસ જોવા મળી હતી. જો કે, આજે સવારથી ભુજ-ગાંધીધામ, અંજાર, મુંદરા, નખત્રાણા સહિતના શહેરોમાં રાબેતા મુજબ શિક્ષણકાર્ય ચાલુ રહ્યું હતું. કચ્છ ઉપરાંત સૌરાષ્ટ્રમાં પણ બંધનો ફિઆસ્કો થયો હતો. જો કે, અમદાવાદ અને વડોદરાની કેટલીક સ્કુલોએ સજ્જડ બંધ પાળ્યો હતો. દરમિયાન, વાલી મંડળ દ્વારા આગામી સપ્તાહથી કચ્છમાં ઊંચી ફી ઉઘરાવતી શાળાઓ વિરૂધ્ધ ઝુંબેશ છેડવાનું આયોજન ઘડાયું હોવાનો ભાટીએ જણાવ્યું છે.