સુથરીની સીમમાં આવેલા કબ્રસ્તાનમાં 10 બાય 20 ફૂટની અલગ વરંડીમાં આ ચારેય કબરો આવેલી છે. સ્થળ પર તપાસ કરવા પહોંચેલાં પીએસઆઈ પી.કે.રાયે જણાવ્યું કે, ફરિયાદીના સાતમી પેઢીના પૂર્વજોની આ કબરો છે. ગત 27મીની મધરાત્રે કબ્રસ્તાનમાં ઘુસેલાં અજાણ્યા શખ્સોએ ત્રિકમ-પાવડા જેવા સાધનોથી ચારેય કબરોનો ઉપરનો ભાગ તોડી નાખી અંદાજે બે હજાર રૂપિયાનું નુકસાન પહોંચાડ્યું હતું. પોલીસે ડૉગ સ્ક્વૉડ સાથે તપાસ કરી હતી. જો કે, ડૉગ ગામમાં ને ગામમાં જ ફરતો હોઈ આ બનાવમાં જાણભેદુ લોકોની સંડોવણી હોવાની પોલીસને આશંકા છે.